Gjykata e Durrësit, duke filluar nga data 3 Qershor 2024 e në vazhdim, do të zhvillojë vetëm seancat për caktimin e masave të sigurisë. Të gjitha seancat e tjera, qofshin civile apo penale, do të shtyhen për një datë tjetër, për shkak të bojkotit njëjavor të shpallur nga Dhoma e Avokatisë Durrës.
Ky vendim i Dhomës së Avokatisë ka ardhur si reagim ndaj mbajtjes së avokatëve jashtë ambienteve të gjykatës deri në fillimin e seancave, çka ka shkaktuar pakënaqësi dhe reagime nga ana e tyre.
Vendimi i Gjykatës së Shkallës së Parë Durrës i është komunikuar avokatëve vetëm verbalish, pa një njoftim zyrtar me shkrim.