Për herë të parë në histori: Ceremonia Solemne e Hapjes së Vitit Gjyqësor

Për herë të parë në historinë e shtetit shqiptar, në sallën e Kolegjeve të Bashkuara të Gjykatës së Lartë u zhvillua ceremonia solemne e hapjes së Vitit Gjyqësor, një ngjarje me rëndësi të veçantë institucionale që synon vendosjen e një tradite të përvitshme reflektimi, përgjegjësie dhe transparence ndaj publikut.

Ceremonia u karakterizua nga mesazhe të qarta mbi pavarësinë e drejtësisë, forcimin e standardeve profesionale dhe rëndësinë e bashkëpunimit ndërinstitucional në funksion të ndërtimit të besimit publik dhe konsolidimit të shtetit të së drejtës.

Pjesëmarrja në këtë ceremoni pasqyron vizionin e Petani Law & Tax për një drejtësi të pavarur, me standarde të larta profesionale dhe rezultate konkrete në shërbim të qytetarit dhe komunitetit të biznesit.