Ilirjana Beqiraj ka përfunduar studimet e larta për drejtësi, me rezultate të shkëlqyera, duke u specializuar në master shkencor në të drejtë ndërkombëtare publike. Për periudhën 2018-2024 ka qenë e punësuar pranë Gjykatës të Shkallës së Parë të Juridiksionit të Përgjithshëm Durrës, në pozicionin e nepunesit civil gjyqesor, ku ka ndjekur proceset gjyqësore, ka përgatitur dhe administruar dosjet gjyqësore, si dhe ka realizuar me përkushtim detyra që sigurojnë mbarëvajtjen e seancave.
Më herët, në 2017-2018, ka punuar si asistente notere, ku është marrë me përpilimin e kontratave, deklaratave noteriale, plotësimin e regjistrit elektronik, si dhe informimin dhe asistencën ndaj klientëve. Ilirjana zotëron shumë mirë gjuhën angleze, italiane. Aktualisht, që prej 2024, ajo ushtron profesionin e avokates, dhe mbulon çështje të natyrës tregtare, të pronësisë, falimentitit, administrative etj. Eksperienca pranë Gjykatës ka qenë një bazë thelbësore në formimin e saj profesional, duke e ndihmuar në zhvillimin e aftësive të avancuara në trajtimin e çështjeve ligjore, me saktësi. Përfshirja aktive në proceset gjyqësore e bën një profil të besueshëm dhe kompetent në fushën juridike.